Joseba Bakaikoaren "Bizitzaren amaieraren aurrean "

Gaur liburu bat aurkeztu gura deutsut: Joseba Bakaikoaren "Ante el final de la vida". Joseba Bakaikoa Otxarkoagako parrokiaz arduratzeaz gain Bilboko Santa Marina Ospitaleko abadea da. Han heriotza, gaixotasuna eta bakardadearen aurrean bizitza, laguntasuna eta maitasuna aldarrikatzen dauz. Maitasuna. Gauza guztien gainetik Maitasuna.

Josebak ez dau heriotzaren begirada ekiditzen, gure gizarteak egiten dauan moduan. Aurrez aurre begiratzen deutso, jakintsuen barre isila botatzen dau, eta bekokian maitasunezko musu bat emoten deutso.

Bizitza eta heriotza ezin dira bereiztu. Heriotza bizitzaren beste momentu baino ez da. Eta heriotzaren aurrean egoten jakin behar da, ikasi behar da. Gizarterik prestatuenean bizi omen gara. Heriotzaren aurrean ez dot uste.


Josebaren liburu hau oso gomendagarria da. Orrialde bateko kapituluak berehala irakurtzen dira. Bizitzako esperientziak dira, eta inpresionismoan bezalaxe puntutxoak argiak, errezak, koloretsu eta markatuak dira. Liburua zarratzean beste irudi bat etorriko jatzu burura: Jesusen aurpegia.

Sakramentu guztietan bizitako momentu garrantzitsuenak ospatzen badoguz, liburu honi esker "gaixoen oliaduraren" sakramentua hobetu ulertuko dogu. Egia esanda, "yu-yu" emoten dauan sakramentu honek orain, Josebari esker, beste zentsu bat dauka niretzat. Josebaren bizipenei esker, heriotzaren aurrean ez dot hainbeste beldurrik eukiko. Bizitzaren beste momentu hori adoretsu eta itxaropentsu bizitzeko eredua agertzen jaku Josebaren liburuan.

Mila esker Joseba zure lanagaitik !! Mila esker Joseba zure bizitza partekatzeagaitik !! Zorionekoa zara zu Joseba, Jauna zugaz dago eta !!